Maxfiylik siyosati

Ushbu Maxfiylik siyosati Timework platformasi orqali qanday ma'lumotlar to'planishi, ishlatilishi va saqlanishini tushuntiradi.

1. Qanday ma'lumotlar to'planadi

• Hisob ma'lumotlari: ism, telefon raqami, kompaniya nomi, login;
• Xodim ma'lumotlari: mijoz tomonidan kiritilgan shaxsiy ma'lumotlar, lavozim, hujjatlar;
• Davomat ma'lumotlari: Face ID qurilmalari orqali qayd etilgan kirish/chiqish vaqtlari va ularga bog'liq biometrik ma'lumotlar (yuz tasviri asosida yaratilgan shablon);
• Zayavka/aloqa formasi orqali kiritilgan ma'lumotlar (ism, telefon, xabar).

2. Ma'lumotlardan qanday foydalaniladi

Ma'lumotlar faqat Xizmatni ko'rsatish maqsadida — davomatni hisoblash, hisobotlar shakllantirish, mijoz bilan bog'lanish va Xizmat sifatini yaxshilash uchun ishlatiladi. Ma'lumotlar reklama maqsadida uchinchi shaxslarga sotilmaydi.

3. Biometrik ma'lumotlar

Face ID orqali davomatni belgilash uchun ishlatiladigan yuz ma'lumotlari faqat tegishli tashkilotning o'z hisobida saqlanadi va shu tashkilot doirasida davomatni tasdiqlash uchun ishlatiladi. Bunday ma'lumotlarni tizimga kiritishdan oldin tashkilot xodimning roziligini olishi shart.

4. Ma'lumotlarni saqlash va xavfsizlik

Barcha ma'lumotlar shifrlangan ulanishlar orqali uzatiladi va xavfsiz serverlarda saqlanadi. Maxfiy ma'lumotlarga (masalan, qurilma parollari) faqat shifrlangan holatda kirish mumkin.

5. Ma'lumotlarni uchinchi tomonlar bilan almashish

Ma'lumotlar faqat Xizmatni ko'rsatish uchun zarur bo'lgan hollarda (masalan, Face ID qurilmasi ishlab chiqaruvchisi bilan integratsiya) va qonun talab qilgan hollardagina uzatiladi.

6. Mijoz huquqlari

Mijoz istalgan vaqtda o'z ma'lumotlarini ko'rish, tahrirlash yoki o'chirishni so'rashi mumkin. Bunday so'rovlar quyidagi aloqa orqali yuboriladi.

7. Aloqa

Maxfiylik bo'yicha savollar uchun: +998 20 011 68 77 yoki info@timework.uz.